ലൈക്‌

ലൈക്‌ 

രോമാഞ്ചം ഇടയ്ക്കിടെ പ്രതീക്ഷിച് 

ഒരു കവി രോമകുമ്മായം 

കയ്യിൽ കരുതി 

സ്വയം വരികളിൽ  തലോടി 

ആലസ്യത്തിലാണ്ടൂ 

കമ്മന്റ് നിറയുന്ന പോസ്റ്റുകൾ 

സ്വപ്നം കാണാൻ കൊതിച്ചു 

ഒന്ന് ആദ്യം പോസ്റ്റ്‌ 

പിന്നെ ഫേസ് ബുക്ക്‌ 

ഒരു ലൈക്‌ 

ഒരു കമ്മന്റ് . 

ശുഭം 

ഉഷ്ണകാലം

ഉഷ്ണകാലം 

എവിടെയോ മുറിഞ്ഞു  പോയ ഒരു പാട്ടിന്റെ പാതി 

ഈ വേനൽ രാത്രി ഒരു പകുതി മറന്ന  സ്വപ്നത്തിന്റെ പാതി 

ഇരുണ്ട ഇടനാഴിയിൽ ഒരു അടക്കിയ തേങ്ങൽ 

വടുക്കൾ മറഞ്ഞെങ്കിലും  വേദനയുടെ കാണാമുറിവുകൾ  

മുറിഞ്ഞിടത്ത് നിന്നും പലശാഖ കിളിർത്ത ഒരു മരം 

ചോര പൂത്തു നിന്നത് സ്വപ്നത്തിൽ കണ്ടു 

 മറന്നുവെങ്കിലും നീ എവിടെയാണ് 

ഒരു കീറി വരണ്ട,ചൂട് കാറ്റ് പറപ്പിച്ച ഒരു വേനൽ 

ബാക്കിയാക്കിയത് ... 

ഒരിക്കലും പൊഴിയാത്ത വര്ഷം മറച്ചത് ... 

കടം

 ഞാന്‍ പറയാന്‍ മറന്ന വാക്കുകള്‍  

നീ മൌനം കൊണ്ട് കൊത്തിയെടുത്തു 

മഴ ബാക്കി വെച്ചുപോയ തണുപ്പില്‍

നിന്റെ ചുണ്ടിനു മേല്‍ വിയര്‍പ്പു പൊടിഞ്ഞു 

ഇടതു മാറിലെ കറുത്ത മറുക്  ചുംബനം കൊണ്ട് ചുവന്നു 

നിലാവ് മറഞ്ഞു നിന്ന രാത്രിയില്‍

 പിറവി കൊണ്ട പാമ്പിന്‍ കുഞ്ഞുങ്ങള്‍ 

 നിന്നോട് സത്യം പറഞ്ഞില്ല

 എന്നോട് കള്ളവും 

എന്റെയും നിന്റെയും പ്രിയ കവി പറഞ്ഞപോലെ 

പിരിയാന്‍  നേരം 

കന്യകയായ ദേവിയോട് വിട പറഞ്ഞപ്പോള്‍ 

നീ പറഞ്ഞില്ല 

ഞാനും ഇതു പോലെ 

ഞാനും നിന്നേ പോലെ 

ഉള്ളം  കൈ പൊള്ളിച്ച 

 കുരിശു നീ തിരിച്ചു തന്നു 

വിരലിനെ പൊള്ളിച്ച അക്ഷരങ്ങളും നീ തിരിച്ചു തന്നു 

നാവിന്‍ തുമ്പ് പൊള്ളിച്ച മിഴിനീരും നീ തിരിച്ചു തന്നു 

എന്നിട്ടുമെന്തേമൌനം കൊണ്ട് കൊത്തിയെടുത്ത വാക്കുകള്‍ 

  നീ എനിക്ക് തിരിച്ചു തന്നില്ല