പേടി
കുഞ്ഞേ ,
കാഴ്ചകള് കണ്ടു പേടിക്കതിരിക്കാന്
നിന്റെ കണ്ണുകളില്
ഞാന് അഗ്നി പടര്ത്തുന്നു .
പേടിക്കരുത്
ഒരു കാഴ്ചയും ഇനി നീ കാണില്ല .
മകളെ കൂട്ടികൊടുക്കുന്ന അമ്മയുടെ മുഖം
കാണില്ല
ബലാല്സംഗം ചെയ്യപ്പെട്ടു വഴിയിലെ മരിച്ചു വീഴുന്ന
സഹോദരിയുടെ മുഖം കാണില്ല
വെട്ടേറ്റു വേര്പെട്ട സഹോദരന്റെ
ശിരസ്സ് കാണില്ല
പേടിക്കരുത്
വാക്കുകള് കേട്ട് പേടിക്കാതിരിക്കാന്
നിന്റെ ചെവിയില് ഞാന് അഗ്നി പടര്ത്തുന്നു
പേടിക്കരുത്
ഒരു വാക്കും ഇനി നീ കേള്ക്കില്ല
രാത്രികളില് ചാനല് ആചാര്യന്മാരുടെ
ശ്വാന ശബ്ദം കേള്ക്കില്ല
ഭൂരിപക്ഷ ന്യൂനപക്ഷ മത നേതാക്കളുടെ
നികൃഷ്ട വാക്കുകള് കേള്ക്കില്ല
ജന്മദിന ആഘോഷങ്ങളിലും ചരമ പ്രഭാഷണം
നടത്തുന്ന നേതാക്കളുടെ വാക്കുകള്
കേള്ക്കില്ല
പേടിക്കരുത്
ദുസ്വപ്നം കണ്ടു പേടിക്കതിരിക്കാന്
നിന്റെ പകല് ഉറക്കത്തിനു മേല് ഞാന് അഗ്നി പടര്ത്തുന്നു
സത്യം പറഞ്ഞു കാരാഗൃഹം കേറാ തിരിക്കാന്
നിന്റെ നാവില് ഞാന് നാരായമുന ആഴ്തുന്നു
വഴി നടന്നു വഴിതെറ്റാതിരിക്കാന് നിന്റെ പാദങ്ങള്ക്ക് കീഴെ
മുള്ളാണികള് വിതറുന്നു
കുഞ്ഞേ പേടിക്കരുത്
ഇനിയൊരു തലമുറയ്ക്ക് ജന്മം നല്കാതിരിക്കാന്
നിന്റെ ഗര്ഭപാത്രം ഞാന് കവര്ന്നെടുക്കുന്നു
നിനക്ക് പറക്കാന് ചിറകുകള് ഉണ്ടായിരുന്നെങ്കില്
അത് ഞാന് അരിഞ്ഞെടുത്തേനെ
കാണാന് മൂന്നാം കണ്ണ് ഉണ്ടായിരുന്നെങ്കില്
അത് ഞാന് ചൂഴ്ന്നെടുത്തേനെ
